Xogar con Sentido, xornada vivencial

Que é Xogar con Sentido?

Non é só un curso

Xogar con Sentido non é un curso tradicional nin unha formación teórica.

É unha xornada vivencial, pensada para que profes e familias vivan o xogo de mesa, o observen, aprendan a lelo e o adapten ás súas realidades concretas.

Traballamos a partir da experiencia directa, da observación e das situacións reais da casa e da aula.

A quen vai dirixido?

Este obradoiro é para ti se:

* Acompañas crianzas na casa ou en contextos educativos
* O xogo ás veces deriva en conflito, cansazo ou frustración
* Buscas orientación clara e aplicable, non teoría abstracta
* Queres desfrutar máis do xogo e intervir con máis seguridade

Non é necesario ter formación previa.

🗓️ Como se desenvolve a xornada?

🌿 Pola mañá · Experiencia de xogo de mesa e lectura do que acontece

A mañá está dedicada a vivir o xogo de mesa en primeira persoa.

* Propostas de xogo guiadas para experimentar diferentes dinámicas
* Aprendemos a ler o xogo: que está a pasar, que necesidades aparecen, que sinais nos dá
* Observación do papel da persoa adulta durante o xogo
* Adaptacións do xogo segundo idades, ritmos e contextos
* Espazo de posta en común a partir do vivido

Non falamos do xogo de mesa: xogamos, observamos e comprendemos o que sucede.

🍴 Mediodía · Pausa

* Pausa para comer
* Comida non incluída

🌱 Pola tarde · Acompañar con sentido (traballo por intereses)

Pola tarde poñemos palabras e ferramentas ao vivido pola mañá.

* Acompañamento de conflitos a través do xogo de mesa
* Cando intervir e cando observar
* Límites, emocións e convivencia
* Traballo por grupos segundo interese:
– acompañamento do xogo en familia
– acompañamento do xogo na aula
* Análise de casos reais achegados polas persoas participantes
* Ferramentas prácticas para trasladar á casa ou á aula

Que levas ao rematar?

Ao finalizar a xornada levarás:

• Capacidade para ler e comprender o xogo
• Estratexias para adaptar propostas segundo contexto
• Ferramentas prácticas para familia ou aula
• Máis seguridade e calma ao acompañar
• Unha mirada máis tranquila e consciente sobre o xogo

Formato e información práctica

📍 Lugar: Santiago de Compostela
🗓️ Data: 28 de febreiro
⏰ Horario: 10:00 a 14:00 h– 16:00 a 19:00h
👥 Grupo reducido para favorecer o acompañamento
🍴 Comida non incluída

A quen vai dirixido?

• Profesorado de Infantil e Primaria

• Primeiro ciclo da ESO

• Familias
• Profesionais do sector educativo.

Quen está detrás?

Xogar con Sentido forma parte de ChafarísEdu, a área formativa de Chafarís.

Chafarís leva anos acompañando familias e profes a través do xogo, tanto en espazos educativos como no día a día, creando propostas respectuosas, prácticas e con sentido.

Tes dúbidas?

Se non sabes se este obradoiro é para ti ou queres máis información:
👉 Escríbenos e falámolo.